Łakŭreaty i siabry žury: Julija Cimafiejeva (za Siarhieja Šupu), Cichan Čarniakievič, Źmicier Kołas (za Antona Bryla), Hanna Jankuta, Nadzieja Kandrusievič, Viera Burłak z synam, fota Radyjo Svaboda
U subotu paśla źjezda Biełaruskaha PEN-Centra adbyłosia ŭhanaravańnie premijaj imia Karłasa Šermana za najlepšyja pierakładnyja knihi 2018 hoda.
Sioleta premija, zasnavanaja ŭ 2016 hodzie, upieršyniu ŭručajecca ŭ troch naminacyjach — pierakład prozy, pierakład paezii i pierakład dziciačaj knihi.
Fundatary premii — Biełaruski PEN-Centar, Sajuz biełaruskich piśmieńnikaŭ i Mižnarodny dabračynny fond «Viartańnie».
Pradstaŭnik «Viartańnia» Siarhiej Makarevič skazaŭ, što zadača premii — vyvieści ź cieniu našych pierakładčykaŭ. Sioleta pierakładziena 47 knih (u tym liku i z takich movaŭ, jak sanskryt, idyš, tureckaja, japonskaja).
U naminacyi proza pieramoh Siarhiej Šupa za pierakład ź idyša ramana Mojše Kulbaka «Paniadziełak»
U naminacyi paezija pieršynstvavaŭ Anton Francišak Bryl, jaki pierakłaŭ z łacinskaj movy zbornik paezii Marcyjała.
A ŭ naminacyi dziciačaja litaratura pieramahła Nadzieja Kandrusievič. U šort-liście byli adrazu dźvie jaje knihi: «Mituśnia ŭ aharodzie» Svena Nurdkvista, i «Jordzis» Jui Visłander (sa šviedskaj).
