Zaŭziatary «Suonsi» padrychtavalisia da derbi Paŭdniovaha Uelsa z «Kardyfam» u čempijonšypie (druhi dyvizijon čempijanatu Anhlii).
Fanaty «lebiedziaŭ» nadrukavali płakaty ŭ vyhladzie pasadačnych tałonaŭ na imia Emilijana Sały — forvarda «Nanta», čyj samalot upaŭ u Ła-Manš padčas pieralotu ŭ Kardyf u studzieni.
Na płakatach ukazany numar rejsa — skažonaje słova dead (miortvy) i proźvišča kamandzira karabla, adsyłaje da śmierci Majki Daja — zaŭziatara «Kardyfa», jaki byŭ zabity ŭ 2011 hodzie.
«Suonsi» asudziŭ fanataŭ i vystupiŭ z zajavaj.
«Heta haniebnaja vyjava, jakaja ni ŭ jakim razie nie pradstaŭlaje naš kłub i zaŭziataraŭ. Tyja, chto budzie demanstravać hetyja płakaty abo budzie nieprystojna pavodzić siabie, buduć pryciahnutyja da kryminalnaj adkaznaści.
Kłub rašuča padtrymaje palicyju Paŭdniovaha Uelsa u naviadzieńni hramadskaha paradku abo pieraśledzie złačynstvaŭ na hlebie nianaviści, źviazanych z hetymi vyjavami i lubymi źviazanymi ź imi incydentami padčas niadzielnaha matču na «Liberci Stedyum», - adznačyŭ kłub.
Arhienciniec pavinien byŭ pierajści ŭ «Kardyf» z «Nanta» ŭ studzieni hetaha hoda. Padčas pieralotu z Francyi va Uels jon zahinuŭ u vyniku avijakatastrofy. Paźniej jaho cieła było znojdziena, paviedamlaje Sports.ru.
