Postimees
U noč na niadzielu krainy Jeŭropy pierajšli na zimovy čas.
Ad siońnia roźnica ŭ časie z Ukrainaj, Łatvijaj i Litvoj roźnica budzie ŭ adnu hadzinu, z Polščaj, Niamieččynaj, Francyjaj — dźvie hadziny. Z Brytanijaj — try.
Biełaruś, jak i Rasija, niekalki hadoŭ strełki nie pieravodziać. U pieravodzie strełak jość svaje plusy, ale jość i minusy. Tyja ž krainy ES dumajuć z 2021 hoda zusim admianić pieravod hadzińnikaŭ.
Tolki treba vyrašyć, u letnim časie zastavacca, ci zimovym. Litva i Łatvija za toje, kab zastacca ŭ letnim časie (budzie supadać ź minskim), Estonija za toje, kab žyć u zimovym časie, jak Finlandyja.
Pieravod strełak u asnoŭnym upłyvaje na raskład ciahnikoŭ, aŭtobusaŭ i samalotaŭ u zachodnim kirunku.
Tak ciahniki na Vilniu buduć adpraŭlacca ź Minska, jak i adpraŭlalisia, ale prybyvać u stalicu Litvy na hadzinu raniej. Naprykład, ranišni ciahnik, što adychodzić u 7.35, budzie prybyvać u Vilniu nie ŭ 10.05, a ŭ 9.05. I naadvarot, ciahniki viačernija ź Vilni buduć adychodzić na hadzinu raniej: u 15:05 i 18.30, ale prybyvać u Minsk, jak i raniej: u 19:00 i 22:00.
