40-hadovy Alaksandr Ściapanaŭ pajšoŭ z domu paśla svarki z žonkaj 20 kastryčnika. I źnik. Miescaznachodžańnie žychara Salihorska dahetul nieviadoma. Jaho šukajuć vałanciory pošukava-ratavalnaha atrada «Anioł».
«Pra źniknieńnie Alaksandra Ściapanava zajaviła jaho žonka. Žančyna raspaviała, što ranicaj 20 kastryčnika jany z mužam pasvarylisia. Paśla kanfliktu jon pajšoŭ z domu. Na pracy nie źjaviŭsia ni ŭ toj dzień, ni na nastupny. Siamja paśpiachovaja. Raniej Ściapanaŭ nie źnikaŭ. Mužčyna — hramadzianin Rasijskaj Fiederacyi. U Biełarusi maje dazvoł na žycharstva. U nas jość viersija, što jon moh źjechać u Rasiju, ale moh i spynicca dzie-niebudź u siabroŭ u Salihorsku. Pieradumoŭ dumać pra niešta trahičnaje ŭ nas pakul što niama. Mahčyma, muž prosta vyrašyŭ pravučyć žonku i pastavić adnosiny na paŭzu», — raspavioŭ MŁYN.BY Illa Davidzienka, kaardynatar «Anioł. Salihorsk-Słuck».
