22-hadovaja mahiloŭka, jakaja znachodzicca ŭ dekretnym adpačynku pa dohladzie za dziciem, padmanuła dvuch svaich siabrovak, paviedamlaje milicyja.
32-hadovuju znajomuju dziaŭčyna ŭhavaryła zaklučyć z adnym z bankaŭ dahavor na vykarystańnie kartki i pieradać kartku joj. Paśla hetaha bieź viedama sapraŭdnaj uładalnicy kartki jana atrymała kredyt pamieram 2500 rubloŭ. Dalej jana patraciła hrošy, a kali pryjšoŭ čas ich viartać — pierakłała prablemu na haspadyniu kartki. Tady apošniaja źviarnułasia ŭ milicyju.
Jak vyśvietliłasia, heta nie adziny vypadak: jašče adnu svaju znajomuju dziaŭčyna ŭhavaryła na toje ž samaje, praŭda, suma kredytu była mienšaja.
Hetyja hrošy mahiloŭka taksama vykarystała sama, a paśla hetaha pierastała vychodzić na suviaź ź siabroŭkaj.
Mahiloŭski mižrajonny adździeł SK adkryŭ kryminalnuju vytvorčaść pa č. 1 art. 209 KK RB «Machlarstva». Mahiloŭcy moža pahražać pazbaŭleńnie voli na termin da troch hadoŭ.
