Kala 50 rasijanak ź dziećmi pajšli z łahiera Ajn-Isa ŭ Siryi, dzie ŭtrymlivajucca siemji bajevikoŭ «Isłamskaj dziaržavy», paviedamlaje BBC.
Z łahiera, jaki zastaŭsia biez achovy, źnikli ŭsiaho kala 100 vychadcaŭ z Rasii. Heta adbyłosia paśla taho, jak kurdy, raniej jakija achoŭvali źniavolenych, syšli z-za nastupleńnia tureckich vojskaŭ i padpalili pałatki, dzie žyli siemji terarystaŭ.
Pavodle svajački adnoj z žančyn, byłyja źniavolenyja ź dziećmi išli pa pustyni na poŭnač — u bok Turcyi — aryjentujučysia pa soncy, pakul ich nie padabrali pratureckija ŭzbrojenyja farmavańni. Praź niekatory čas hrupa pierastała vychodzić na suviaź.
Nieviadoma, kolki mienavita viaźniaŭ źbiehli z Ajn-Isa, dzie, pa niekatorych danych, utrymlivali da 13 tysiač čałaviek.
