Na pracesie nad Źmitrom Palijenkam prajšli sudovyja sprečki, piša Radyjo Svaboda.
Pradstaŭnik dziaržaŭnaha abvinavačvańnia Alaksandr Karol zajaviŭ, što ličyć vinu Źmitra Palijenki ŭ asabliva złosnym chulihanstvie dakazanaj całkam, a ŭ paciarpiełaha Juryna niama padstaŭ da ahavorvańnia Palijenki.
Toje, što nichto sa śviedak nie bačyŭ samoha incydentu, nie śviedčyć, miarkuje prakuror, na karyść Źmitra Palijenki.
«Treba krytyčna pastavicca da pakazańniaŭ Palijenki, što Juryn byŭ u niećviarozym stanie i nibyta sam pačaŭ ź im kanflikt», — zajaviŭ prakuror. Pavodle prakurora, pakazańni paciarpiełaha Juryna zbolšaha paśladoŭnyja, a «toj fakt, što paciarpieły pa-roznamu aceńvaŭ stupień svajho ałkaholnaha apjanieńnia», nie paćviardžaje pazicyju padsudnaha, ličyć prakuror.
Što da pakazańniaŭ Źmitra Palijenki, to prakuror nazvaŭ ich niepaśladoŭnymi. Na dumku abvinavaŭcy, Palijenka «hruba parušyŭ paradak», jon chvory na ałkahalizm, adbyvaŭ raniej pakarańnie za kryminalnaje złačynstva, nie vypraviŭsia i znoŭ učyniŭ kryminalnaje złačynstva.
Prakuror paprasiŭ prysudzić Palijenku 6 hadoŭ źniavoleńnia va ŭmovach strohaha režymu, ale 1 hod źniać pa amnistyi. Taksama prakuror paprasiŭ dla Palijenki prymusovaha lačeńnia ad ałkahalizmu.
