Prezident Aŭstryi Alaksandr van der Belen nakiravaŭ aficyjnaje zaprašeńnie Alaksandru Łukašenku naviedać Vienu z aficyjnym vizitam u listapadzie, paviedamiła na pres-kanfierencyi ŭ Minsku pasoł Aŭstryi ŭ Biełarusi Ałaizija Vierhieter, piša interfax.by
«Moj fiederalny prezident nakiravaŭ aficyjnaje zaprašeńnie prezidentu Alaksandru Łukašenku naviedać Aŭstryju, Vienu ŭ listapadzie hetaha hoda», — skazała Vierhieter.
«Detali vizitu jašče abmiarkoŭvajucca i pra ich budzie paviedamlena paźniej», — dadała pasoł.
«Prezident Biełarusi pajedzie ŭ Aŭstryju pa aficyjnym zaprašeńni prezidenta Aŭstryjskaj Respubliki», — udakładniła Vierhieter.
Jak paviedamlałasia, na praciahu doŭhaha času pajezdki ŭ Jeŭropu byli niemahčymyja dla Łukašenki z-za uviedzienych u dačynieńni da jaho i šerahu biełaruskich čynoŭnikaŭ sankcyj. Paśla źniaćcia sankcyj u 2016 hodzie kiraŭnik Biełarusi zrabiŭ vizit u Italiju i Vatykan.
Paśla Łukašenki jašče niekalki razoŭ zaprašali ŭ ES na roznyja mierapryjemstvy, adnak vizity nie adbylisia.
