25-y tur čempijanatu Biełarusi pa futbole prynios minimum dva niečakanyja vyniki.
Lidar pieršynstva bresckaje «Dynama» atrymaŭ valavuju pieramohu nad «Słuckam» — 3:2. Pryčym Brest sastupaŭ da 79-j chviliny 0:1.
A voś BATE i «Šachcior» nie zmahli vyjhrać u aŭtsajdaraŭ. BATE zhulaŭ na svaim poli ŭničyju z «Homielem» 1:1, a salihorcy naohuł u haściach prajhrali «Dniapru» 0:2.
Bresckaje «Dynama» na siem bałaŭ apiaredžvaje Barysaŭ. Praŭda, u BATE hulnia ŭ zapasie.
Dynama Brest — 64 (25 hulniaŭ), BATE — 57 (24), Šachcior — 57 (25), Dynama Minsk — 45 (24), Isłač, Tarpieda Žodzina — 41 (25).
Da kanca čempijanatu zastałosia piać turaŭ. U nastupnym Brest hulaje ŭ haściach z «Homielem», a «Šachcior» prymaje BATE.
BATE ad 2006 hoda niaźmienny čempijon krainy.