Christian, Shutterstock.com
Kamitet pa praviadzieńni spabornictvaŭ Ispanskaj fiederacyi futboła adkłaŭ matč 10-ha tura Ła Lihi pamiž «Barsiełonaj» i «Reałam» na bolš poźni termin. Ab hetym paviedamlajecca na aficyjnym sajcie arhanizacyi. Sustreča pavinna była prajści na damašnim stadyjonie katałonskaj kamandy «Kamp Nou» 26 kastryčnika.
U zajavie adznačajecca, što «Barsiełona» i «Reał» pavinny damovicca ab novaj dacie matča da 21 kastryčnika. U tym vypadku, kali ŭzhadnić jaje nie atrymajecca da 10 ranicy paniadziełka, kamitet pa praviadzieńni spabornictvaŭ pryznačyć datu hulni samastojna.
Pryčynaj pieranosu matču stała zapłanavanaja na 26 kastryčnika akcyja pratestu ŭ Barsiełonie. U pačatku tydnia ŭ horadzie pačalisia biesparadki paśla taho, jak Viarchoŭny sud Ispanii prysudziŭ da praciahłych turemnych terminaŭ arhanizataraŭ refierendumu ab niezaležnaści Katałonii.
