Publikacyja amierykanskaha časopisa, jakaja źjaviłasia ŭ červieni 2019 hoda, pryśviečana załpavamu pusku R-30 «Bułava-30» z akvatoryi Biełaha mora pa palihonie Kura na Kamčatcy, jaki prajšoŭ u mai 2018 hoda.
Vydańnie adznačaje, što takaja zbroja adroźnivajecca niezvyčajnaj trajektoryjaj palotu, jakaja abciažarvaje pierachop. «40-tonnyja rakiety mohuć uchilicca ad paradku saraka udaraŭ SPA [supraćpavietranaj abarony]», — piša The National Interest. Časopis zapeŭnivaje, što R-30 «Bułava-30» moža razburyć harady supiernika paśla taho, jak astatnija rasijskija jadziernyja siły buduć likvidavanyja.
Tym nie mienš The National Interest piša, što dakładnaści R-30 «Bułava-30» niedastatkova dla prymianieńnia zbroi ŭ miežach scenaryja «pieršaha ŭdaru», jaki praduhledžvaje, u pryvatnaści, źniščeńnie šachtavych puskavych ustanovak amierykanskich MBR LGM-30 Minuteman.
U červieni 2018 hoda, paviedamlałasia, što R-30 «Bułava-30» pryniataja na ŭzbrajeńnie VMF Rasii.
U mai taho ž hoda dyrektar infarmacyjnaha prajekta ab jadziernych uzbrajeńniach Fiederacyi amierykanskich navukoŭcaŭ Hans Krystensen zajaviŭ, što ahulnaja mahutnaść vybuchu bojezaradaŭ padčas załpavaha pusku adrazu čatyroch rakiet R-30 «Bułava-30» mahła b skłaści 2,4 tysiačy kiłaton, što ekvivalentna 160 «Chirasimam».
MBR R-30 «Bułava-30» raspracavana Maskoŭskim instytutam ciepłatechniki dla ŭzbrajeńnia rakietanoscaŭ prajekta 955 «Barej». Vyprabavańni zbroi pačalisia ŭ 2004 hodzie. Z 32 puskaŭ rakiety (uklučajučy apošni załpavy) siem pryznanyja niaŭdałymi, a dva - častkova-niaŭdałymi.
U chodzie stratehičnych vučeńniaŭ «Hrom-2019», jakija prajšli 15-17 kastryčnika, puski R-30 «Bułava-30» nie pravodzilisia.
