Situacyja z ekspartam pa vynikach studzienia-žniŭnia 2019 hoda niaprostaja i nie moža zadavalniać, zajaviŭ siońnia premjer Siarhiej Rumas na pasiadžeńni Rady Ministraŭ.
«Ekspart nie dasiahnuŭ uzroŭniu anałahičnaha pieryjadu minułaha hoda, temp rostu ekspartu tavaraŭ — 96,9%. Šmat pytańniaŭ da ministraŭ, hubiernataraŭ, surjozna niedapracoŭvaje Ministerstva zamiežnych spraŭ i kiraŭniki zamiežnych ustanoŭ», — adznačyŭ Siarhiej Rumas.
Kali ačyścić ekspart tavaraŭ ad naftavaj hrupy, to temp rostu składaje 100,9%, adnak, na dumku premjera, heta nie pavinna słužyć ni dla kaho zaspakajeńniem.
Učora byli atrymany papiarednija vyniki raboty ekanomiki za 9 miesiacaŭ — rost praciahvaje zapavolvacca (papiarednie 101% pa vynikach studzienia-vieraśnia). «I heta niahledziačy na dziaržaŭnuju padtrymku i zapeŭnivańni kiraŭnikoŭ ministerstvaŭ pra toje, što zaćvierdžanyja płany buduć vykanany. Kali niama vytvorčaści, jak moža raści ekspart? Heta ž uzajemaźviazanyja pytańni. Kiraŭniki pavinny nieści adkaznaść za svaje słovy i abaviazacielstvy», — padkreśliŭ Rumas.