U Francyi piać žančyn prysudzili da turemnych terminaŭ ad 5 da 30 hadoŭ za sprobu padarvać aŭtamabilnuju bombu la sabora Notr-Dam u 2016 hodzie, piša Euronews.
U noč na 3 vieraśnia 2016 hoda Ines Madani i Arneła Hilihman pryparkavali šery Peugeot 607 biez numarnoha znaka na vulicy pierad restaranami kala Notr-Dam.
Aŭtamabil byŭ zahružany šaściu hazavymi bałončykami. Złamyśnica abliła mašynu dyzielnym palivam i kinuła ŭ jaje zapalenuju cyharetu, ale dyzielnaje paliva akazałasia nie takim lohkaŭzharalnym rečyvam.
Madani aryštavali praź niekalki dzion u kvatery ŭ pryharadzie Paryža razam z dvuma inšymi abvinavačanymi — Saraj Ervie i Amiel Sakaŭ. Padčas zatrymańnia jany paranili nažom palicejskaha, Madani atrymała ahniastrelnaje ranieńnie. Hilihman aryštavali 6 vieraśnia.
Usim žančynam byli vystaŭleny abvinavačvańni ŭ teraryźmie, prakurory patrabavali pažyćciovaha źniavoleńnia dla čatyroch ź ich.
Madani, jakaja zajmałasia viarboŭkaj žančyn dla Isłamskaj dziaržavy, dali 30 hadoŭ, a Hilihman prysudzili da 25 hadoŭ turmy.
Ervie i Sakaŭ dali pa 20 hadoŭ, a Samii Šalel — piać hadoŭ za dapamohu Madani schavacca paśla niaŭdałaj ataki.