U noč z 12 na 13 kastryčnika nieviadomy ŭvarvaŭsia ŭ dom žłobinskaha pradprymalnika, jaki zajmajecca pašyvam miakkich cacak: sarvaŭ naviasny zamok, prakraŭsia ŭ pryvatny dom, raźmieščany ŭ rajonnym centry, i vykraŭ dvuch plušavych miadźviedziaŭ, paviedamlaje milicyja.
Apieratyŭniki kryminalnaha vyšuku vyśvietlili, što napiaredadni vidavočcy bačyli maładoha čałavieka, jaki badziaŭsia kala doma, dzie šyjuć cacki. Pa prykmietach vyjšli na śled złodzieja.
23-hadovaha biespracoŭnaha žychara Žłobina znajšli i dastavili ŭ Žłobinski RAUS. Chłopiec viarnuŭ plušavych miadźviedziaŭ i raspavioŭ, što adnu cacku płanavaŭ padaryć, a druhuju pradać.
Zaviali kryminalnuju spravu pa č. 2 art. 205 KK Respubliki Biełaruś (kradziež). Ciapier jamu pahražaje da 4 hadoŭ turmy.
