Adzin z samych viadomych piedafiłaŭ Vialikabrytanii byŭ zabity ŭ turemnaj kamiery, u jaho zabojstvie padazrajuć sukamiernika, asudžanaha za zhvałtavańni. Pra heta paviedamlaje The Daily Mail.
33-hadovy Ryčard Chakł adbyvaŭ termin za 191 vypadak seksualnaha hvałtu nad małaletnimi. Jaho znajšli zabitym u jaho kamiery, pryładaj zabojstva była «zatočka» — samarobny nož. Śledčyja ličać, što jaho zabiŭ irłandziec Poł Fitcdžerald, jaki adbyvaje pažyćciovaje źniavoleńnie za šerah napadaŭ na žančyn u 2009 hodzie.
Chakł atrymaŭ 22 pažyćciovyja terminy za hvałtavańnie prynamsi 23 dziaciej i raspaŭsiudžvańnie bolš za 20 tysiač fatahrafij i videa seksualnaha charaktaru z udziełam małaletnich. Na praciahu amal dzieviaci hadoŭ jon pad vyhladam nabožnaha chryścijanina, vykładčyka anhlijskaj movy, pranikaŭ u dziciačyja damy ŭ Kambodžy i Małajzii.
Jaho aryštavali ŭ 2015 hodzie paśla taho, jak raskryli sietku piedafiłaŭ u darknecie. Jon admaŭlaŭ svaju vinu, ale ŭ rešcie rešt pryznaŭsia va ŭsim baćkam, i jany zdali jaho palicyjantam.
