Najčaściej u Biełarusi žančyny chvarejuć na rak małočnaj załozy va ŭzroście 50—69 hadoŭ. Hetyja ličby nazvaŭ 15 kastryčnika, kali adznačajecca suśvietny dzień baraćby z hetym zachvorvańniem, Anton Choraŭ — navukoviec z Respublikanskaha navukova-praktyčnaha centra ankałohii i miedycynskaj radyjałohii ŭ Baraŭlanach, piša Radyjo Svaboda.
Što tyčycca śmiarotnaści ad raku małočnaj załozy, to, pačynajučy z 2011 hoda, jana štohod źnižajecca. Źnižeńnie nievialikaje — kožny hod na dziasiatyja doli adsotka. Ale heta suśvietnaja tendencyja. Navat u Niderłandach, dzie najlepšyja vyniki ŭ Jeŭropie, źnižeńnie taksama idzie na dziasiatyja doli adsotka.
Naohuł śmiarotnaść ad raku małočnaj załozy ŭ Biełarusi składaje 23 vypadki na kožnyja 100 tysiač žančyn. I heta adzin z najlepšych pakaźnikaŭ na kantyniencie.
