Incydent z zatrymańniem u Minsku pa zapycie ZŠA rasijanki Hanny Bahačovaj, jakaja znachodzicca pad amierykanskimi sankcyjami, demanstruje zdradu z boku Biełarusi. Pra heta RIA Naviny zajaviŭ člen kamiteta Dziarždumy pa spravach SND Viktar Vadałacki.
«Sumna toje, što niekatoryja maje kalehi, jakija ŭžo padychodzili da mianie, uličvajučy, što jak raz kamitet adkazvaje za ŭzajemadziejańnie i pracu z suajčyńnikami, što heta zdrada», — skazaŭ deputat.
Pa słovach Vadałackaha, u Rasii nikomu niezrazumieła, čamu Biełaruś pavodzić siabie takim čynam. Jon zapeŭniŭ, što hetaj situacyjaj nieŭzabavie zojmucca adpaviednyja struktury. «Hanna Bahačova pavinna być adpuščanaja», - padkreśliŭ parłamientaryj.
Pra zatrymańnie Bahačovaj u Minsku stała viadoma raniej 15 kastryčnika. Hetuju infarmacyju paćvierdzili ŭ MZS Rasii; člen Hramadskaj pałaty Alaksandr Malkievič udakładniŭ, što žančynu zatrymaŭ Interpał pa zapycie ZŠA ŭ ramkach spravy ab umiašańni Rasii ŭ amierykanskija prezidenckija vybary 2016 hoda. Biełaruskija ŭłady pakul nie kamientavali dadzieny incydent.
Hanna Bahačova, supracoŭnica pieciarburhskaha «Ahienctva internet-daśledavańniaŭ», razam ź jašče 12 rasijanami abvinavačvajecca Miniustam ZŠA va ŭmiašańni ŭ amierykanskija vybary. Siarod abvinavačanych fihuruje biznesmen Jaŭhien Pryhožyn, jaki, jak i Bahačova, znachodzicca pad sankcyjami ZŠA. Amierykanskija ŭłady źviazvajuć «Ahienctva internet-daśledavańniaŭ» sa strukturami, jakija majuć dačynieńnie da Pryhožyna.
