Krainy Jeŭrapiejskaha sajuza abmiarkujuć mahčymaje ŭviadzieńnie sankcyj suprać Turcyi ŭ suviazi ź jaje apieracyjaj na poŭnačy Siryi na bližejšym samicie ES, jaki projdzie na nastupnym tydni ŭ Bruseli. Pra heta zajaviła francuzski ministr pa spravach ES Amieli de Manšalen, piša Radyjo Svaboda.
Bolšaść dziaržaŭ ES rezka asudziła raspačatuju ŭ sieradu tureckuju apieracyju suprać siryjskich kurdaŭ. Rada Biaśpieki AAN napiaredadni pa patrabavańni šerahu jeŭrapiejskich krain za začynienymi dźviaryma abmierkavaŭ situacyju ŭ Siryi. Nijakich zajavaŭ pa vynikach abmierkavańnia pryniata nie było.
Adnaznačna asudzić dziejańni Turcyi admovilisia jak Rasija, tak i Złučanyja Štaty. Pry hetym pastajanny pradstaŭnik ZŠA ŭ AAN Keli Kraft ŭ čaćvier papiaredziła Turcyju, što apieracyja suprać kurdaŭ na paŭnočnym uschodzie Siryi paciahnie za saboj nastupstvy, kali Ankara nie abaronić ŭraźlivyja katehoryi nasielnictva i nie zdoleje strymać terarystyčnuju hrupoŭku «Isłamskaja dziaržava».
