Takoje daručeńnie namieśnikam kiraŭnikoŭ administracyj daŭ namieśnik staršyni Minharvykankama Alaksandr Darachovič na pasiadžeńni rabočaj hrupy, paviedamlajuć Minsk-naviny.
Nahadajem, minułaj zimoj u krainie fiksavalisia nieadnarazovyja vypadki traŭmiravańnia i navat hibieli darosłych i dziaciej z-za katańnia z horak. Tolki ŭ studzieni 2019 h. va ŭstanovy achovy zdaroŭja Minska źviarnulisia 24 čałavieki z traŭmami, atrymanymi pry katańni na ciubinhach (10 čałaviek), sankach (4), kańkach (3), łyžach, snoŭbordach i inš.
— My pavinny praduchilać niaščasnyja vypadki i stvarać umovy dla biaśpiečnaha katańnia dziaciej, i lepš za ŭsio - u krokavaj dastupnaści. Dzieści heta budzie horka nasypnaja, dzieści reljef užo dazvalaje katacca, tolki miesca treba abstalavać, kab tam było biaśpiečna, - adznačyŭ A. Darachovič.
Tak, u Centralnym rajonie horku uładkujuć na placoŭcy pobač z Futbolnym maniežam, razhladajecca mahčymaść stvareńnia takoha abjekta i kala Pałaca dziaciej i moładzi. U Frunzienskim rajonie budzie 15 abstalavanych śniežnych horak. U Leninskim rajonie abstalujuć 4 horki. U Pieršamajskim ŭ jakaści miesca dla katańnia vyznačany schił va Uruččy, raźmieščany pamiž vuł. Šuhajeva i MKAD. U Zavodskim rajonie da ŭžo stvoranych u minułym hodzie horkam dadaducca jašče 3 u rajonie vuł. Ałtajskaj i ŭ Sosnach.
Jak NIE treba katacca na ciubinhu EKSTREMALNAJE VIDEA
