Biełaruś nie imkniecca stać siabram Jeŭrapiejskaha Sajuza, adnak zacikaŭlena ŭ bolš chutkim vyrašeńni vizavaha pytańnia i pašyreńni supracoŭnictva. Pra heta zajaviŭ premjer-ministr Biełarusi Siarhiej Rumas, paviedamlaje BiełTA.
Jon skazaŭ heta na sustrečy z kiraŭnikom pradstaŭnictva ES u Biełarusi Dyrkam Šubielam. Rumas adznačyŭ, što dla bolš ciesnaha supracoŭnictva nieabchodna likvidavać šerah barjeraŭ i pierajści da aktyŭnaha naładžvańnia kantaktaŭ pamiž pradstaŭnikami biznesu, raźvivać handlova-ekanamičnaje ŭzajemadziejańnie. Kab paskoryć hetyja pracesy, biełaruski premjer-ministr ličyć nieabchodnym udaskanalvać dahavorna-pravavuju bazu. U pryvatnaści, zaklučyć bazavaje pahadnieńnie ab uzajemadziejańni.
0
0
0
0
0
0
