Adzin z najbolš upłyvovych amierykanskich sienataraŭ i paplečnikaŭ Donalda Trampa respublikaniec Lindsi Hrem u suviazi z vajennaj apieracyjaj Turcyi ŭ Siryi anansavaŭ sankcyi, jakija naniasuć udar pa tureckaj ekanomicy i vajskoŭcach, paviedamlaje Reuters.

«Chto, kab jaho čort uziaŭ, padtrymlivaje Erdahana ŭ pytańni kurdaŭ?» — zajaviŭ Hrem.

Jon pradkazaŭ razburalny efiekt ad dziejańniaŭ Turcyi ŭ Siryi.

Hrem papiaredziŭ, što rašeńnie Trampa vyvieści vojski adkryła šlach dla tureckaha ŭdaru pa kurdskich siłach, daŭno abjadnanych z Vašynhtonam.

«Kali Turcyja rušyć u paŭnočnuju Siryju, ad Kanhresa pojduć piakielnyja sankcyi. Šyrokija, hłybokija i razburalnyja sankcyi», — adznačyŭ Hrem.

Клас
0
Панылы сорам
0
Ха-ха
0
Ого
0
Сумна
0
Абуральна
0