Dziaržaŭnyja ŚMI Kitaja abvinavacili Apple u padtrymcy hankonhskich «buntaroŭ», paviedamlaje Guardian. Kampanija raźmiaściła prahramu, jakaja adsočvaje pieramiaščeńnie palicyi ŭ horadzie.
Fota: Samuel Wong, shutterstock.com.
Prahrama HKmap.live, jakaja vyznačaje miescaznachodžańnie palicejskich i antyŭradavych demanstrantaŭ, źjaviłasia ŭ App Store 5 kastryčnika. Prahrama adlustroŭvaje haračyja punkty na karcie horada, što dazvalaje pratestoŭcam paźbiahać palicyi.
Hetuju prahramu rezka raskrytykavali prapahandysckija ŚMI Kitaja.
HKmap.live źjaŭlajecca samaj papularnaj prahramaj u katehoryi «Padarožžy» u iOS App Store u Hankonhu.
Taksama kitajskija prapahandysty raskrytykavali Apple za toje, što kampanija raźmiaściła ŭ svajoj muzyčnaj kramie «Słava Hankonhu» — nieaficyjny himn, jaki časta śpiavali pratestoŭcy.
