U Talinie miesiac tamu padapiečnyja Michaiła Marchiela pieramahli, vyrvaŭšy pieramohu na apošnich chvilinach, fota Delfi.ee
Hałoŭny trenier zbornaj Biełarusi Michaił Marchiel padzialiŭsia čakańniami ad matča kvalifikacyi Jeŭra-2020 suprać Estonii, jaki adbudziecca zaŭtra, 10 kastryčnika, na stadyjonie «Dynama» (pačatak u 19:00), paviedamlaje Tribuna.com
«Raduje znoŭ viarnucca ŭ Minsk, zhulać na dobrym stadyjonie pry svaich hledačach. Heta peŭny adbitak nakładvaje, ale ŭ nas jość chłopcy vopytnyja, jakija z hetym spraviacca. Nastroj vielmi dobry. Jość peŭnyja ŭspaminy, ja sam hraŭ na hetym stadyjonie. Vielmi pryjemna znoŭ akunucca ŭ hetuju atmaśfieru», — skazaŭ M. Marchiel.
«Miarkuju, što taktyka i stratehija ŭ nas nie pamianiajecca. Pastarajemsia hulać pry svaich hledačach ŭ ataku i ŭdaskanalvać tyja momanty, jakija ŭ nas atrymlivalisia ŭ Talinie», — dadaŭ trenier.
Nahadajem, što ŭ Talinie 6 vieraśnia biełarusy pieramahli ź likam 2:1, ale heta adzinaja pieramoha ŭ adbory da Jeŭra-2020.
Dva matčy z Paŭnočnaj Irłandyjaj, adzin ź Niamieččynaj i Niderłandami biełarusy prajhrali. 10 kastryčniku — damašni matč ź Niderłandami.
Paśla 5 turaŭ: Niamieččyna, Paŭnočnaja Irłandyja — 12, Niderłandy — 9 (4 hulni), Biełaruś — 3, Estonija — 0.
