U Žytomiry, dzie na minułym tydni prajšoŭ Forum rehijonaŭ Biełarusi i Ukrainy, chołdynh «Biełkamunmaš» pakazaŭ absalutna novy elektrobus madeli E321, jaki, niahledziačy na ahulny indeks, kardynalna adroźnivajecca ad tych 32 elektrobusaŭ E321, jakija byli pastaŭleny ŭ Minsk da pačatku leta, piša abw.by
Adroźnieńni dobra prykmietnyja, kali abodva elektrobusy pastavić pobač. Žoŭty «minski» pabudavany na bazie kuzava dobra viadomaha 321-ha tralejbusa. Zialony «jeŭrapiejski» (stvaraŭsia z prycełam na ekspart u ES) atrymaŭ zusim novy kuzaŭ, jaki, darečy, budzie vykarystoŭvacca i pry vytvorčaści novaha pakaleńnia tralejbusaŭ «Biełkamunmaš».
Daŭžynia novaha E321 takaja ž — 12 m. Adnak kuzaŭ zrobleny palehčanym, dziakujučy čamu ŭ sałonie atrymałasia raźmiaścić 30 miescaŭ dla siadzieńnia, a ahulnuju pasažyraŭmiaščalnaść davieści da 105 čałaviek (u «minskaha» E321 - tolki 83 čałavieki).
Novy E321 taksama abstalavany sistemaj ultrachutkaj zaradki i nazapašvalnikami enierhii na bazie supierkandesarataraŭ (čas padzaradki na prypynkach — da 8 chvilin, zapas aŭtanomnaha chodu - 20 km). Ale ciapier na zavodzie ŭ Minsku ŭžo ŭ pracy znachodzicca madyfikacyja elektrobusa z tak zvanaj načnoj zaradkaj - hetaja mašyna budzie abstalavana sistemaj lityjevych batarej i mieć zapas aŭtanomnaha chodu da 200 kiłamietraŭ.
