U instahram-kanale BRSM 8 kastryčnika adbyŭsia strym z udziełam kiraŭnika arhanizacyi Dźmitryjem Varaniukom i pres-sakratarom Minabarony Uładzimiram Makaravym.
Padčas stryma studenty zadavali pytańni nakont słužby ŭ vojsku Makaravu, i niekatoryja ź ich byli vielmi niazručnyja.
Uładzimir Makaraŭ i Dźmitryj Varaniuk. Fota: BRSM
U kancy efiru kiraŭnik BRSM vykazaŭsia dosyć rezka: «Što tyčycca varty i intaresaŭ, BRSM zaŭsiody stajaŭ i budzie stajać na varcie intaresaŭ moładzi. My nikoli nie budziem stajać na varcie intaresaŭ dehienierataŭ. I ja tut u žyvym efiry mahu heta kazać. Na žal, my nikoli nie budziem padtrymlivać prydurkavatych abo rabiat, jakija sprabujuć naškodzić našaj krainie. Hetaha my nie dazvolim», — skazaŭ Dźmitryj Varaniuk.
Čytajcie: Kiraŭnik BRSM: My nikoli nie budziem stajać na varcie intaresaŭ dehienierataŭ i padtrymlivać prydurkavatych VIDEA
Hetaja cytata stała virusnaj, jaje raściahnuli pa sacyjalnych sietkach.
Ale što mieŭ na ŭvazie kiraŭnik BRSM i kamu adrasavaŭ svaju frazu?
Na hetaje pytańnie jon adkazaŭ «Našaj Nivie».
«My zapuścili strym, pierad tym zapisali ŭsie pytańni i paabiacali paźniej tekstava adkazać na tyja, jakija praz rehłamient nie paśpiejem zadać vusna — navat na samyja krytyčnyja.
Što adbyvajecca dalej? Pačynajecca strym. Prychodziać niejkija ludzi, niedzie navat biez avatarak — fejki, i pačynajuć pisać u duchu «BRSM — łajno», «Vy ŭsie — prydurki», i hetak dalej, heta ja jašče cytuju najbolš cenzurnaje!, — skazaŭ nam Varaniuk. — Jany pišuć nam abrazy navat biezadnosna temy sustrečy, ničoha nie pytajucca pra vojska, prosta abražajuć i ŭsio.
Mianie heta aburyła! Ja nie chaču tryvać, kali našych rabiat sprabujuć prynizić i abrazić. Ja paličyŭ, što z hetymi ludźmi treba havaryć na movie, zrazumiełaj im ža, tamu i vykazaŭsia tak brutalna».