Rašeńnie ab adpraŭcy amierykanskich vojskaŭ na Blizki Uschod było najhoršym rašeńniem za ŭsiu historyju krainy, napisaŭ prezident Donald Tramp na svajoj staroncy ŭ tvitary. Pa słovach Trampa, ZŠA nie treba było prychodzić na Blizki Uschod.
«Złučanyja Štaty patracili bolš za $8 trłn na viadzieńnie vajennych dziejańniaŭ i palicejskuju dziejnaść na Blizkim Uschodzie. Tysiačy našych vydatnych sałdat zahinuli abo atrymali ranieńni. Miljony čałaviek zahinuli», — napisaŭ Tramp, nahadaŭšy, što padstavaj dla ŭvachodu amierykanskich vojskaŭ u Irak stali abvierhnutyja paźniej paviedamleńni ab raspracoŭcy tam zbroi masavaha źniščeńnia.
Tramp taksama adznačyŭ, što bajavyja dziejańni pamiž roznymi hrupoŭkami praciahvalisia na Blizkim Uschodzie «sotni hadoŭ» i ZŠA nie treba było ŭmiešvacca.
«Ciapier my pavolna i aściarožna viartajem našych vydatnych sałdat i vajskovuju techniku dadomu, — adznačyŭ Tramp. — Hetyja durnyja biaskoncyja vojny dla nas skončany!»
