U 2020-2022 hadach «Minsktrans» płanuje nabyć bolš za paŭtary tysiačy adzinak novaj techniki, paviedamili karespandentu ahienctva «Minsk-Naviny» na pradpryjemstvie.
— Siońnia na bałansie pradpryjemstva znachodzicca 2545 adzinak ruchomaha składu. Eto 1557 aŭtobusaŭ, 771 tralejbus, 137 tramvajaŭ i 80 elektrobusaŭ, — adznačyŭ pieršy namieśnik hienieralnaha dyrektara — hałoŭny inžynier HP «Minsktrans» Aleh Dziubienka. — Da kanca biahučaha hoda ŭ rasparadžeńnie «Minsktransu» pastupić pa 70 novych tralejbusaŭ i aŭtobusaŭ, vyrablenych na MAZie. U bližejšyja try hady płanujem zakupić 890 aŭtobusaŭ i elektrobusaŭ, 810 tralejbusaŭ i 50 tramvajaŭ ajčynnaj vytvorčaści.
Pavodle jaho słoŭ, u nastupnym hodzie «Minsktrans» maje namier nabyć 10 tramvajaŭ padvyšanaj pasažyraźmiaščalnaści. Uvieś ruchomy skład budzie asnaščacca novym televizijnym abstalavańniem.
