Advakat Mark Zaid, jaki pradstaŭlaje intaresy infarmatara, jaki paviedamiŭ detali hutarki prezidenta ZŠA Donalda Trampa z kiraŭnikom Ukrainy Uładzimiram Zialenskim, u intervju telekanału ABC paćvierdziŭ, što jość i druhi śviedka, u jakoha jość važnaja infarmacyja pa hetaj spravie, pieradaje Reuters. Pavodle jaho słoŭ, apošni taksama źjaŭlajecca pradstaŭnikom śpiecsłužbaŭ i ŭžo raspavioŭ hienieralnamu inśpiektaru raźviedvalnaj supolnaści Majkłu Atkinsanu, što mienavita jamu viadoma pra hetuju spravu.
Asoba aśviedamiciela pakul nie raskryvajecca. Raniej śćviardžałasia, što u čas telefonnaj razmovy Trampa ź Zialenskim 25 lipienia prysutničali tolki dziaržaŭny sakratar Majk Pampiea i daradca vice-prezidenta Majka Piensa pa nacyjanalnaj biaśpiecy Kit Kiełah.
Mienavita sa słoŭ pieršaha infarmatara stała viadoma ab tym, što Tramp patrabavaŭ ad Zialenskaha adnavić rasśledavańnie ŭ dačynieńni da syna byłoha vice-prezidenta Džo Bajdena Chantera ŭ abmien na pradastaŭleńnie Kijevu vajennaj dapamohi. Hetyja abvinavačvańni vymusili Bieły dom apublikavać rasšyfroŭku razmovy. Ź jaje vynikała, što Tramp sapraŭdy zhadvaŭ spravu Bajdena-małodšaha, adnak umoŭ pry hetym nie staviŭ.
Zialenski taksama zajaviŭ, što nijakaha cisku nie było, paviedamlaje RBK.