Deputatka Pałaty pradstaŭnikoŭ Hanna Kanapackaja prypyniła siabroŭstva ŭ Abjadnanaj hramadzianskaj partyi. Pra heta jana paviedamiła ŭ fejsbuku.
Sprava ŭ tym, što pazačarhovy źjezd AHP zaćviardžaŭ kandydataŭ u deputaty. Ludzi z hetaha śpisu zmohuć trapić u vybarčyja biuleteni, nie źbirajučy podpisy ŭ svajoj akruzie.
I siabry AHP niečakana prahałasavali suprać Kanapackaj jak kandydatki ŭ deputaty.
«Zdarovy sens i palityčny raźlik adsutničali siońnia na źjeździe AHP. Paćvierdžańnie hetamu — nievyłučeńnie mianie kandydatam ad partyi. Bolš za toje, mnie navat nie dali słova dla vystupu, hałasavali pa majoj kandydatury asobna, niahledziačy na toje, što jana była ŭchvalenaja Minskaj haradskoj arhanizacyjaj», — aburajecca Kanapackaja.
Jana nazyvaje siabie «samym rejtynhavym i viadomym pradstaŭnikom apazicyi jak u Biełarusi, tak i za jaje miežami», i adznačaje, što «partyja na roŭnym miescy stvaryła sama sabie prablemy, admoviŭšysia ad supracoŭnictva sa mnoj pierad parłamienckaj i prezidenckaj vybarčymi kampanijami».
U Kanapackaj jašče jość čas, kab sabrać patrebnuju kolkaść podpisaŭ vybarščykaŭ i stać kandydatkaj u deputaty.
