Skrynšot videa Frankfurter Allgemeine Zeitung
Francuzskamu skałałazu Alenu Raberu, viadomamu jak «čałaviek-pavuk», spatrebiłasia ŭsiaho 20 chvilin, kab uskaraskacca na 42-paviarchovy budynak Skyper ŭ finansavym centry Frankfurta-na-Majnie.
U subotu, 28 vieraśnia, Alen Raber zabraŭsia na vyšyniu 153 mietra i byŭ zatrymany hiermanskaj palicyjaj, pieradaje Deutsche Welle. Adpaviednaha dazvołu i strachoŭki jon nie mieŭ.
Zaŭvažyŭšy skałałaza, minaki stali spyniacca i rabić zdymki. Mužčynu zatrymali, kali jon spuściŭsia na ziamlu.
Pravaachoŭnyja orhany vyvučajuć, ci nie parušyŭ mužčyna prava na pryvatnuju ŭłasnaść. U takim vypadku jamu moža pahražać štraf.
Pavodle papiaredniaha rasśledavańnia, budynku, na budaŭnictva jakoha ŭ pieryjad 2002—2004 hh. pajšło kala 480 młn jeŭra, nie byŭ pryčynieny ŭron.
Alen Raber viadomy dziakujučy svajmu ekstremalnamu zachapleńniu. Na rachunku «čałavieka-pavuka» bolš za 90 ŭzychodžańniaŭ na chmaračosy pa ŭsim śviecie, jon uvajšoŭ u Knihu rekordaŭ Hiniesa. Francuz zvyčajna robić svaje ŭzychodžańni biez dazvołu ŭładaŭ i ŭładalnikaŭ budynkaŭ, jaho nieadnarazova aryštoŭvali. U žniŭni jon zabraŭsia na chmaračos ŭ Hankonhu, dzie ŭžo niekalki miesiacaŭ iduć pratesty, i raściahnuŭ transparant u padtrymku miru.
