pxhere.com
Ekśpierty ličać, što paśla admovy ad ruchavikoŭ unutranaha zharańnia ŭ FRH buduć skaročanyja 125 tysiač pracoŭnych miescaŭ. Heta źviazana z tym, što dla vytvorčaści elektramabilaŭ patrabujecca mienš kamplektujučych, piša Deutsche Welle.
Jak vynikaje z analityčnaj spravazdačy instytuta Center Automotive Research (CAR), jaki ŭ niadzielu, 29 vieraśnia, cytuje Welt am Sonntag, šerah fiederalnych ziamiel, dzie znachodziacca bujnyja aŭtamabilnyja zavody, užo rychtujucca da budučych źmien.
Śćviardžajecca, što choć dla elektramabilaŭ patrabujucca darahija akumulatary, takija častki «zvyčajnych» aŭtamabilaŭ, jak miechaničnyja karobki pieradač i inšyja kampanienty ruchavikoŭ unutranaha zharańnia, bolš nie buduć patrebnyja.
A dla vytvorčaści aŭtamabilaŭ budzie patrabavacca 709 tysiač čałaviek zamiest 834 tysiač, jak ciapier.
