Učora pozna ŭviečary ŭ Homieli 30-hadovy kiroŭca «Aŭdzi» na rehulavanym skryžavańni pry pavarocie naleva nie sastupiŭ darohu i najechaŭ na matacykł «Kavasaki», jaki ruchaŭsia ŭ sustrečnym napramku. Pra avaryju paviedamiła pres-sakratar MUS Volha Čamadanava ŭ svaim tielehram-kanale.
U vyniku DTZ 22-hadovy kiroŭca matacykła i jaho 22-hadovaja pasažyra atrymali cialesnyja paškodžańni. Paśla akazańnia miedycynskaj dapamohi vadziciela matacykła adpuścili dadomu, a pasažyrka špitalizavana ŭ apieracyjnaje adździaleńnie balnicy.
U dačynieńni da vadziciela «Aŭdzi» zaviedziena kryminalnaja sprava pa č.2 art. 317 KK Respubliki Biełaruś (parušeńnie praviłaŭ darožnaha ruchu abo ekspłuatacyi transpartnych srodkaŭ, što paciahnuła pa nieaściarožnaści śmierć čałavieka abo naniasieńnie ciažkaha cialesnaha paškodžańnia).
