Fota Nadziei Bužan
Pra heta jon raspavioŭ na sustrečy z pradstaŭnikami ŭkrainskich ŚMI, piša BIEŁTA.
«Niama ŭ nas tranzitu ŭłady, razmoŭ. Naš prezident budzie abrany tolki narodam», — padkreśliŭ Łukašenka.
Kiraŭnik dziaržavy zajaviŭ, što «nie pryhladaje prezidenta». «Jak pryhladać? Heta ty pavinien ubačyć. Nie treba chadzić ź binoklem abo dumać kožny dzień, a chto. Ja tak nie dumaju», - skazaŭ jon.
Alaksandr Łukašenka adznačyŭ, što budzie pracavać na pasadzie prezidenta stolki, kolki ludzi daviarajuć. «I pakul jość zdaroŭje. Kali niezdarovy — tak niama čaho siudy leźci. Hałoŭnaje — zdaroŭje i davier ludziej», - ličyć jon.
«Ja nie pryhladajusia, dzie hety prezident. Ale jon niedzie jość užo. Ja ž niaviečny, i da śmierci ja prezidentam nie budu.
Ja prosta chaču kali-niebudź pažyć, jak usie ludzi, — spakojna», - skazaŭ kiraŭnik dziaržavy.
U toj ža čas jość mierkavańnie, što paśla pracy na pasadzie prezidenta składana abstrahavacca ad biahučych padziej i nie reahavać na ich, dadaŭ jon.
Adkazvajučy na pytańnie pra dziaciej, Alaksandr Łukašenka adznačyŭ: «Maje dzieci nie pakutujuć na prezidenctva — ni adzin, ni druhi, ni treci. Jany «najelisia» majho prezidenctva»