Pradstaŭniki biełaruskaj intelihiencyi źviarnulisia da litoŭskaha ŭradu z prośbaj pachavać adnaho ź lidaraŭ paŭstańnia 1863 hoda Kastusia Kalinoŭskaha ŭ Biełarusi.
Heta vyklikała burnyja dyskusii ŭ internecie. Adny padtrymlivajuć prapanovu, inšyja ličać, što miescam pachavańnia Kalinoŭskaha musić stać Vilnia.
«NN» spytała kiraŭnika «Biełaj Rusi» Hienadzia Davydźku, što jon dumaje na hety kont.
«Ja liču, što Kastuś Kalinoŭski — heta vydatnaja postać u našaj historyi. I kali hetaje viartańnie mahčymaje, to kaniečnie jaho treba padtrymlivać.
Niachaj u nas budzie miesca, dzie možna budzie schilić hałavu pierad jaho vieličču. Usio ž heta adzin z najbolš znakamitych našych suajčyńnikaŭ.
Kaniečnie, ja b nie byŭ suprać viartańnia Kalinoŭskaha. Čas źbirać kamiani, našy histaryčnyja kamiani. Mnie zaŭsiody było baluča bačyć pomniki biełarusam, jakich ličać pradstaŭnikami inšych krain. Toj ža Ivan Fiodaraŭ — jon ža Fiedarovič nasamreč.
Heta asoby suśvietnaha hučańnia. Treba, kab usie pamiatali, što jany biełarusy. I budzie cudoŭna, kali hetym ludziam možna budzie pakłanicca na rodnaj ziamli. Pra što tut moža iści hutarka?» — razvažaje Davydźka.
