U Vińnickaj vobłaści Ukrainy małady čałaviek ažaniŭsia sa stryječnaj babulaj, kab atrymać adterminoŭku ad vojska, paviedamlaje kp.ua.
Heta adbyłosia jašče dva hady tamu. 24 hadovy mužčyna ŭziaŭ u žonki 81-hadovuju žančynu, bo jana — invalid pieršaj hrupy, i paśla viasiella aŭtamatyčna stanovicca jaje apiekunom.
U vajenkamacie pryznali, što z punktu hledžańnia zakanadaŭstva heta źjaŭlajecca pryčynaj dla atrymańnia adterminoŭki.
«Choć u ščyraść pačućciaŭ nichto nie vieryć, ź jurydyčnaha punktu hledžańnia — usio čysta, - adznačaje namieśnik vajennaha kamisara Ihar Liščuk. — Bolš za toje, historyja maje praciah. U ich usio dobra, 82-hadovaja žonka žyvie sa svaim junym mužam. Niadaŭna jaho baćka prynios daviedku, što syn dahetul znachodzicca ŭ šlubie z žonkaj stałaha ŭzrostu, dahladaje jaje. Hety dakumient paćviardžaje adterminoŭku ad pryzyvu. I choć historyja vielmi sumniŭnaja, pryčapicca niemahčyma. U zakonie nie napisana, jakoha ŭzrostu pavinna być žonka».
Jak paviedamili ŭ Ministerstvie abarony Ukrainy, parušeńniaŭ u spravie nijakich nie znajšli - im dali ŭsie patrebnyja dakumienty, jakija dajuć prava adkłaści słužbu ŭ vojsku.
Zinaida — invalid pa zroku. Susiedziaŭ paznaje pa hałasach albo kali padyści ŭščylnuju. Jaje apisvajuć jak intelihientnuju žančynu, ničoha drennaha nie kažuć. Dy i pra siamju nijakija čutki nie chodziać - ab unuku nie platkarać z pavahi da jaho «žonki». Jana sama nie padymaje hetuju temu, i jaje starajucca nie traŭmavać. Raniej u vioscy pavieryć nie mahli, što takoje zdaryłasia, a sama Zinaida nibyta była ŭpeŭnienaja, što jaje pavieźli nie pad vianiec, a afarmlać apiakunstva.
