Prezident ZŠA Donald Tramp zajaviŭ, što padčas lipieńskaj razmovy pa telefonie z prezidentam Ukrainy Uładzimiram Zialenskim abmiarkoŭvaŭ karupcyju, paviedamlaje Bloomberg.
«Razmaŭlali, u asnoŭnym, pra karupcyju, ab usioj karupcyi, jakaja jość va Ukrainie. U asnoŭnym, pra toje, što my nie chočam, kab našy ludzi, takija jak vice-prezident Džo Bajden i jaho syn, stvarali karupcyju va Ukrainie. U Ukrainy šmat prablem. Novy prezident skazaŭ, što źbirajecca vyzvalić krainu ad karupcyi, i ja skazaŭ, što heta cudoŭna. U nas adbyłasia vydatnaja razmova», — skazaŭ Tramp.
Jon adznačyŭ, što razmova była ciopłaja i družalubnaja.
Tramp skazaŭ, što nie stanie piarečyć suprać taho, kab jaho advakat Rudzi Džulijani daŭ pakazańni pierad Kanhresam ZŠA.
Kamientary Trampa źjavilisia paśla taho, jak kandydat u prezidenty ZŠA ad Demakratyčnaj partyi Džozaf Bajden zaklikaŭ jaho apublikavać źmiest pieramovaŭ pra Ukrainu ź Zialenskim. Pavodle jaho słoŭ, dziejańni amierykanskaha lidara padšturchoŭvali Kijeŭ da parušeńnia viaršenstva zakona dziela atrymańnia palityčnaj vyhady.
