Francuzski sud pryznaŭ dačku karala Saudaŭskaj Aravii Chasu bien Sałman vinavataj u dačynieńni da źbićcia i ŭtrymańnia rabočaha suprać jaho voli ŭ jaje raskošnaj kvatery ŭ Paryžy, piša Reuters.
Pryncesu prysudzili da 10 miesiacaŭ turemnaha źniavoleńnia ŭmoŭna.
Rabočy Ašraf Ejd paviedamiŭ palicyi, što ciełaachoŭnik pryncesy napaŭ na jaho pa zahadzie pryncesy. Jana abvinavaciła prostaha čałavieka ŭ tym, što jon niekalki razoŭ sfatahrafavaŭ jaje na mabilny telefon.
Pa słovach paciarpiełaha, ciełaachoŭnik siłaj adabraŭ u jaho telefon, źviazaŭ jamu ruki, biŭ kułakami i nahami i prymusiŭ całavać nohi pryncesy.
Rabočy raskazaŭ, što pryncesa Chasa nazirała za źbićciom i abychodziłasia ź im jak z sabakam.
Ašraf Ejd rastłumačyŭ, što vyrašyŭ sfatahrafavać vanny pakoj pierad tym, jak pačać ramont.
43-hadovaja pryncesa, siastra naślednaha prynca Muchamieda bien Sałmana, admaŭlała svaju vinu praz svaich advakataŭ.
