Administracyja prezidenta Donalda Trampa płanuje akazać Ukrainie vajennuju dapamohu. Pra heta paviedamili respublikanskija i demakratyčnyja členy sienackaha kamiteta pa asihnavańniach ZŠA, sa spasyłkaj na Reuters piša RBK-Ukraina. Paviedamlajecca, što Bieły dom vydzielić Ukrainie vajennuju dapamohu ŭ pamiery na 250 młn dalaraŭ.
«Respublikanskija i demakratyčnyja členy sienackaha kamiteta pa asihnavańniach zajavili, što Bieły dom vypuściŭ hrošy ŭ sieradu ŭviečary, za niekalki hadzin da taho, jak kamisija pavinna była abmierkavać papraŭku da zakonaprajekta ab vydatkach na abaronu, jakaja pieraškodziła b Trampu ŭ budučyni», — havorycca ŭ paviedamleńni.
Paviedamlajecca, što pytańnie vydzialeńnia srodkaŭ Ukrainie źjaŭlałasia hałoŭnym pradmietam sprečki pamiž Trampam i členami Kanhresu. Čakajecca, što Kanhres prymie zakon ab adnaŭleńni dapamohi Ukrainie, kali administracyja nie vypuścić hrošy.
Raniej ukrainskija ŚMI paviedamlali, što Kanhres ZŠA moža vyłučyć vajennuju dapamohu Ukrainie, niahledziačy na rašeńnie Trampa. Da hetaha namieśnik pamočnika Dziaržaŭnaha sakratara ZŠA Džordž Kient tłumačyŭ, što zatrymka vyłučeńnia Złučanymi Štatami vajennaj dapamohi Ukrainie źviazanaja z unutranymi biudžetnymi pracesami ŭ ZŠA.
