Apublikavana fota byłoha supracoŭnika administracyi prezidenta Rasii Aleha Smalankova, što, jak miarkujecca, źjaŭlajecca infarmataram specsłužbaŭ ZŠA. Zdymak jość u rasparadžeńni telekanała RTVI, piša lenta.ru
Kali była zroblenaja fatahrafija i ŭ jakim uzroście, nie ŭdakładniajecca.
9 vieraśnia telekanała CNN paviedamiŭ, što ZŠA vyvieźli z Rasii svajho infarmatara. Jak vyśvietliłasia, jon pracavaŭ u administracyi prezidenta Rasii niekalki hadoŭ, ale byŭ zvolnieny. Paźniej źjaviłasia infarmacyja, što havorka idzie pra Aleha Smalankova. Paviedamlałasia taksama, što jon mieŭ dostup da «adčuvalnaj infarmacyi», ale pres-sakratar kiraŭnika dziaržavy Dźmitryj Piaskoŭ hetyja źviestki abvierhnuŭ.
Infarmatara amierykanskich śpiecsłužbaŭ vyvieźli paśla sustrečy prezidenta ZŠA Donalda Trampa z kiraŭnikom MZS Rasii Siarhiejem Łaŭrovym. Pa dadzienych CNN, CRU nibyta spałochałasia, što amierykanski lidar moh nieznarok «raskryć» špijona.
