Padobna, što Aryna Sabalenka i jaje trenier Dźmitryj Tursunaŭ znoŭ pracujuć razam. Va ŭsiakim vypadku jon dapamahaŭ tenisistcy ŭ jaje novaj zadumie - razdačy kvitkoŭ na US Open, piša tut.by.
U svaim Instagram dziaŭčyna skazała, što biaspłatna addaść 30 kvitkoŭ na siońniašni parny finał, dzie jana ŭžo druhi raz na turniry zhulaje suprać Viktoryi Azaranki. Praŭda, dla pačatku kvitki treba znajści ŭ centry Ńju-Jorka.
U storyz dziaŭčyna paabiacała rassakrecić miescaznachodžańnie kvitkoŭ. I ŭ ich vidać, što «zakładkaj» žoŭtych kanviertaŭ z prapuskami na matč zajmalisia jaje treniery - Džejsan Stejsi i Dźmitryj Tursunaŭ.
U kancy žniŭnia tenisistka abviaściła ab sychodzie ad Tursunava, adnak užo praź niekalki dzion jana pryśviaciła jamu emacyjny list, dzie paviedamiła, što «nie choča bačyć pobač nikoha inšaha».
