Alaksandr Łukašenka padpisaŭ rasparadžeńnie, jakim zaćvierdžana rašeńnie savieta fondu prezidenta Respubliki Biełaruś pa padtrymcy kultury i mastactva, pieradaje BiełTA.
Zhodna z dakumientam, praduhledžvajecca vydzialeńnie hrašovych srodkaŭ dla realizacyi šaści kulturnych prajektaŭ. Budzie prafinansavana adnaŭleńnie radavoj siadziby Napaleona Ordy va ŭročyščy Čyrvony Dvor Ivanaŭskaha rajona Bresckaj vobłaści, stvareńnie ekspazicyi Muzieja biełaruskaj malavanki na bazie historyka-kulturnaha muzieja-zapaviednika «Zasłaŭje».
Praduhledžana nakiravańnie hrašovych srodkaŭ na kansiervacyju kaścioła ŭ Mścisłavie, kansiervacyju i frahmientarnuju restaŭracyju zamka ŭ Halšanach, restaŭracyju kaplicy-pachavańnia kniazioŭ Paskievičaŭ u Homieli i adsłajeńnie žyvapisu XVIII—XIX stahodździaŭ Spasa-Praabraženskaj carkvy ŭ Połacku.
U staradaŭnim kaściole ŭ Mścisłavie abvaliłasia častka avaryjnaj ściany i apošniaja kałona
