Prajekt prahramy pa intehracyi Biełarusi i Rasii ŭ najbližejšy čas budzie pradstaŭleny Alaksandru Łukašenku. Pra heta zajaviŭ premjer-ministr Siarhiej Rumas u intervju prahramie «Razmova ŭ prezidenta».
Adkazvajučy na pytańnie ab padrychtoŭcy prahramy dziejańniaŭ pa intehracyi ŭ Sajuznaj dziaržavie, Siarhiej Rumas prainfarmavaŭ, što jana praktyčna ŭzhodnienaja. «My ŭ aŭtorak užo ŭniasiom kiraŭniku dziaržavy prajekt hetaj prahramy dla adabreńnia, kab užo ŭ pačatku vieraśnia (u mianie jość damoŭlenaść z maim kaleham Dźmitryjem Anatoljevičam Miadźviedzievym) premjer-ministry parafiravali hetuju prahramu», — skazaŭ Rumas.
Siarhiej Rumas koratka vykłaŭ sutnaść prahramy. Realizacyja jaje kancepcyi budzie aznačać vykanańnie pryncypu «dźvie krainy — adzin rynak». Jon padkreśliŭ, što ŭ dakumiencie niama pytańniaŭ palityčnaha charaktaru.
«Dumaju, paśla parafiravańnia ŭrady dźviuch krain apublikujuć jaje, kab u hramadskaści byli źniatyja aściarohi nakont pytańniaŭ suvierenitetu i inšych», — adznačyŭ jon.
