Danija i Hrenłandyja damovilisia ŭzmacnić supracoŭnictva ŭ halinie biaśpieki i abarony, spasyłajučysia na stratehičnuju rolu arktyčnaha rehijonu, pakolki rastavańnie lodu adkryvaje novyja handlovyja šlachi i palapšaje dostup da pryrodnych resursaŭ vostrava, piša Bloomberg.
Paviedamlajecca, što premjer-ministr Danii Miete Frederyksien naviedaje Hrenłandyju paśla dypłamatyčnaj sutyčki z ZŠA.
Hrenłandyja i Danija praviaduć sumiesnyja vajennyja vučeńni i vučeńni nadzvyčajnych słužbaŭ.
Ministr abarony Danii Tryne Bramsien zajaviŭ, što ŭrad pad kiraŭnictvam sacyjał-demakrataŭ taksama razhladaje mahčymaść nakiravać bolš vajennych karabloŭ.
«Pahrozy i nastupstvy, vyklikanyja źmienaj klimatu, patrabujuć našaj prysutnaści», — zajaviŭ Bramsien.
Hrenłandyja atrymała aŭtanomiju ŭ składzie Dackaha karaleŭstva ŭ 1979 hodzie, u 2009 hodzie vostraŭ atrymaŭ samakiravańnie. Kapienhahien zachoŭvaje kantrol tolki nad źniešniaj palitykaj i abaronaj Hrenłandyi.
