Staličnamu žycharu ŭ adnym ź miesiendžaraŭ pryjšło paviedamleńnie ź nieviadomaha numara na arabskaj i anhlijskaj movach. U im kazałasia, što atrymalniku treba ŭziać pakiet z samarobnym vybuchovym prystasavańniem u peŭnym miescy i adnieści na adnu sa stancyj mietro. U vypadku admovy jaho svajakam i blizkim pahražaje rasprava, a pry paśpiachovym vykanańni «zadańnia» čakaje hrašovaje ŭznaharodžańnie ŭ 15 tysiač dalaraŭ, paviedamlaje staličnaja milicyja.
Minčanin surjozna pastaviŭsia da atrymanych pahroz i źviarnuŭsia ŭ milicyju.
Paralelna z pošukam adpraŭnika pasłańnia pravaachoŭniki ŭzmacnili miery biaśpieki na ŭsich stancyjach mietrapalitena, ustalavali kruhłasutačnaje nazirańnie za miescam, dzie «teraryst» nibyta źbiraŭsia pakinuć vybuchovaje prystasavańnie.
Nieŭzabavie supracoŭniki HUBAZiK vyjavili, što paviedamleńnie svajmu znajomamu adpraviŭ 21-hadovy chłopiec, jaki pracuje inžynieram-prahramistam na adnym z pryvatnych pradpryjemstvaŭ. Što zaachvociła jaho da padobnaha ŭčynku, jašče treba vyśvietlić. Viadoma tolki, što dakładna takija ž paviedamleńni małady čałaviek adpraviŭ jašče trom svaim znajomym.
