Aleh Siancoŭ, wikimedia
Ukrainski režysior Aleh Siancoŭ i hałoŭny redaktar «RIA Naviny Ukraina» Kirył Vyšynski nie ŭvajšli ŭ śpisy aryštavanych i źniavolenych, jakich płanujuć abmianiać Rasija i Ukraina. Pra heta paviedamlaje «Kamiersant» sa spasyłkaj na krynicy.
Adznačajecca, što Vyšynski, aryštavany ŭ Kijevie ŭ mai 2018 hoda, sam admoviŭsia ad abmienu, bo maje namier u sudzie dakazać svaju nievinavataść. Žurnalista abvinavačvajuć u padtrymcy «DNR» i «ŁNR» i dziaržaŭnaj zdradzie. 19 lipienia sud padoŭžyŭ jamu aryšt da 19 vieraśnia.
Surazmoŭcy «Kommiersanta» paćvierdzili raniejšuju infarmacyju, što Maskva i Kijeŭ addaduć adzin adnamu pa 33 čałavieki, u śpisy na abmien ŭklučany ŭsie 24 ŭkrainskija maraki, zatrymanyja ŭ listapadzie 2018 hoda ŭ Kierčanskim pralivie za niezakonnaje pierasiačeńnie dziaržaŭnaj miažy Rasii.
Dakładnyja terminy abmienu pa-raniejšamu nie nazyvajucca, chutčej za ŭsio, heta adbudziecca da kanca žniŭnia.
