Aficyjny pradstaŭnik Kramla Dźmitryj Piaskoŭ zaklikaŭ pahladzieć z dvuch bakoŭ na situacyju ź infarmacyjnaj karcinaj vakoł vybuchu na vajennym palihonie ŭ Sievieradźvinsku Archanhielskaj vobłaści, piša RIA Novosti.
«Situacyja składvajecca tak, što niechta choča naŭmysna raspalić infarmacyjny fon, skazić realnaść i padać situacyju tak, jak byccam by majucca pieradumovy dla niebiaśpieki», — patłumačyŭ pres-sakratar.
Jon taksama paviedamiŭ, što jamu ničoha nie viadoma pra lekaraŭ z Archanhielskaj vobłaści, jakija zajavili ŚMI, što ad ich nibyta ŭtaili toje, što im treba budzie pracavać z pacyjentami, jakija atrymali dolu apramianieńnia.
«Pucinu dajuć kankretnuju infarmacyju, zasnavanuju na instrumientalnym vymiareńni, zasnavanuju na acency situacyi na miescy, absalutna prafiesijnuju, i niama nijakich padstaŭ nie daviarać hetaj infarmacyi», — skazaŭ na zakančeńnie Piaskoŭ, padkreśliŭšy, što abstraktny vyraz «archanhielskija lekary» varta ŭdakładnić.
Nahadajem, u rasijskich ŚMI vyjšaŭ materyjał pra toje, što paciarpiełych pry vybuchu na palihonie pad Archanhielskam dastavili ŭ balnicy — paśla čaho ŭ arhaniźmie adnaho z daktaroŭ znajšli radyjeaktyŭny nuklid cezij-137.
Ni ratavalnikaŭ, ni daktaroŭ nie papiaredzili, što jany pracavali z apramienienymi. U abłasnoj balnicy pra radyjacyju daviedalisia praź niekalki hadzin paśla taho, jak pačali apieravać paciarpiełych, a dezaktyvacyju pačali pravodzić tolki na nastupny dzień. Z bolšaści supracoŭnikaŭ balnicy ŭziali padpisku pra nierazhałošvańnie dziaržtajamnicy.
