Roskamnahlad nakiravaŭ u adras kampanii Google list z patrabavańniem «pryniać miery pa niedapuščeńni rekłamavańnia niesankcyjanavanych (niezakonnych) masavych mierapryjemstvaŭ na videachostynhu Jutub, jaki naležyć kampanii», paviedamlaje sajt rasijskaha viedamstva.
«Pa najaŭnaj infarmacyi, šerah struktur, jakija majuć YouTube-kanały, nabyvajuć u YouTube rekłamnyja instrumienty (takija jak «push-paviedamleńni») z metaj raspaŭsiudžvańnia infarmacyi ab niesankcyjanavanych (niezakonnych) masavych mierapryjemstvach, u tym liku nakiravanych na zryŭ vybaraŭ fiederalnaha i rehijanalnaha značeńnia.
Pry hetym takija «push-paviedamleńni» pastupajuć u tym liku karystalnikam, jakija nie padpisanyja na YouTube-kanały hetych struktur», — adznačajecca ŭ liście.
U vypadku niepryniaćcia Google mier reahavańnia Rasijskaja Fiederacyja budzie rasceńvać heta «jak umiašańnie ŭ suvierennyja spravy dziaržavy, a taksama varožaje ŭździejańnie i pieraškodu praviadzieńniu demakratyčnych vybaraŭ u Rasii», pakidajučy za saboj prava na adekvatnuju reakcyju, padkreślivajecca ŭ liście.
Mitynhi «Za svabodnyja vybary» prajšli ŭ Maskvie i inšych haradach Rasii 14 lipienia, 27 lipienia, 3 žniŭnia i 10 žniŭnia. U ich uziali ŭdzieł dziasiatki tysiač ludziej. Palicyja zatrymała ahułam kala 2 tysiač čałaviek. Śledčy kamitet RF pačaŭ kryminalnyja spravy ab masavych biesparadkach i napadach na pradstaŭnikoŭ ułady, prajšli zatrymańni.
