Futbalisty barysaŭskaha BATE vyjhrali ŭ haściach u baśnijskaha «Sarajeva» ź likam 2:1 u matčy 3-ha raŭnda kvalifikacyi Lihi Jeŭropy.
Hulnia ŭ Zienicy prajšła ź pieravahaj čempijonaŭ Biełarusi.
Pieršym zabiŭ Dźmitryj Baha, jaki adznačyŭsia na 19-j chvilinie sustrečy.
A ŭ druhim tajmie ź pienalci adznačyŭsia Mukam. Na 70 chvilinie Skavyš vyrvaŭsia z-za śpiny Łaziča — i abaronca schapiŭ jaho za plačo. Barysaŭčanie zarabili pienalci, jakim biez prablem skarystalisia.
Potym adznačylisia miascovyja zaŭziatary, jakija aktyŭna karystalisia piratechnikaj. Stadyjon zaciahnuła dymam, i kamandy navat byli vymušanyja na 10 chvilin syści ŭ raździavalni.
A voś u kancy hulni haspadary mieli ŭsie šancy na toje, kab vyratavacca ad parazy. Paśla padačy ŭ varatarskuju hałavoj Chandžyč pakłaŭ miač u kut — lik staŭ 2:1 na karyść čempijonaŭ Biełarusi.
Haspadary mieli jašče niekalki šancaŭ, kab zabić BATE, adnak nie zdoleli imi skarystacca.
Matč u adkaz adbudziecca 15 žniŭnia.