Pad Biškiekam, u siale Koj-Taš niekalki socień siłavikoŭ sprabujuć uziać šturmam rezidencyju eks-prezidenta Kyrhyzstana Ałmaźbieka Atambajeva.
Jak paviedamlajuć ŚMI, čuvać stralanina, vykarystoŭvajucca śviatłošumavyja hranaty. Padychody da siała byli pierakrytyja, u Koj-Taš adpraŭlenyja 11 bryhad chutkaj dapamohi. Žurnalistaŭ nie padpuskajuć.
Kala 500 prychilnikaŭ Atambajeva, što sabralisia ŭ siale Kok-Džare pablizu Koj-Taša, prarvali milicejskaje ačapleńnie.
Parłamient Kyrhyzstana ŭvioŭ u krainie nadzvyčajnaje stanovišča.
Učorašni šturm byŭ adbity, prychilniki Atambajeva ŭziali
Parłamient Kyrhyzstana 20 červienia pieradaŭ u prakuraturu pieralik abvinavačvańniaŭ u adras Atambajeva, padrychtavany śpiecyjalnaj deputackaj kamisijaj. Były prezident moža być datyčny da karupcyi pry madernizacyi CEC Biškieka, vyzvaleńnia pa padroblenych miedycynskich listkach lidara złačynnaj hrupoŭki, niezakonnaha pieravodu ziamiel i inšych niezakonnych dziejańniaŭ. Atambajevu moža pahražać pažyćciovy termin.
Atambajeŭ nazvaŭ abvinavačvańni parłamientaryjaŭ «absurdnymi», zajaviŭ, što čysty pierad narodam i hatovy adkazać za ŭsie svaje ŭčynki na pasadzie prezidenta.
Ałmaźbiek Atambajeŭ uznačalvaŭ krainu z 2011 pa 2017 hod. Jon źjaŭlajecca adzinym usienarodna abranym prezidentam krainy, jaki dobraachvotna pieradaŭ uładu.
