Milicyja šukaje žančynu, jakaja 13 lipienia a 7-j ranicy kala kaviarni na vulicy Kalvaryjskaj źbiła dziaŭčynu, paviedamlaje HUUS Minharvykankama. Na videa z kamiery nazirańnia bačna, jak padazravanaja ciahnie svaju achviaru za vałasy, valić na ziamlu i bje nahoj. Adciahvali jaje čatyry čałavieki.
Na vyhlad žančynie, jakuju ciapier padazrajuć u naniasieńni cialesnych paškodžańniaŭ, 23-26 hadoŭ, rost kala 170-175 sm, siaredniaha ciełaskładu, vałasy ciomnyja sa śvietłymi kancami.
Była apranutaja ŭ bajku šeraha koleru z rukavami biełaha koleru, šeryja spartyŭnyja štany i čornyja kamizelku i krasoŭki.
Pravaachoŭniki zaklikajuć tych, chto paznaje žančynu na videa ci maje infarmacyju pra jaje, źviartacca ŭ Maskoŭskaje RUUS Minska asabista (vulica Hrušaŭskaja, 9) abo pa telefonie: 8 (029) 591-63-26, 102.
